Aksident i rëndë që në mëngjes/ Përplasen dy makina, humb jetën një prej shoferëve

Mëngjesin e sotëm një aksident fatal është shënuar në aksin Tapizë-Thumanë.

Mësohet se si pasojë e përplasjes së dy makinave, një mjet tip “Fiat” dhe tjetri “Benz”, ka humbur jetën njëri prej shoferëve.

Sipas informacioneve bëhet fjalë për një 60-vjeçar, ende të paidentifikuar.

Policia ka mbërritur në vendngjarje dhe po punon për zbardhjen e plotë të shkaqeve dhe rrethanave të aksidentit të rëndë.