LIGJET E BIZNESIT
Covid-19 ka shënuar sërish të infektuar në shkolla dhe mes efektivëve të policisë në Urë-Vajgurore.
Pas infektimit të Shefit të Komisariatit të Policisë Urë-Vajgurore një javë më parë,sot një tjetër efektiv i këtij komisariati ka rezultuar “pozitiv”. Efektivi i policisë që punon si inspektor i krimeve në këtë komisariat kishte disa ditë me shenja të infektimit me Coronavirus dhe ishte i karantinuar në banesën e tij.
Gazetarja Eneida Petopva raporton për “Balkanëeb” se gjendja e tij shëndetësore është e mirë, ndërkohë që sot në këtë komisariat policie janë testuar edhe 18 efektivë, që rezultojnë të jenë kontaktet e afërta në punë të inspektorit të infektuar.
Infektime me Covid-19 janë regjistruar sot edhe në instutucionet arsimore në Urë-Vajgurore. Një mësuese në një shkollë 9-vjeçare brenda në qytetin e Urës-Vjagurore dhe një mësuese në shkollën 9-vjeçare të fshatit Kutalli janë konfirmuar “pozitive” me SarsCov-2.
Pas konfirmimit të këtyre 3 rasteve në shkolla,punonjësit e Drejtorisë së Higjenës në Berat kanë kryer dezinfektimin në ambjentet e brendshme të këtyre dy shkollave,ndërkohë që mjekët epidemiologë të Drejtorisë së Shëndetit Publik po kryejnë edhe hetimet epidemiologjike të rasteve të kontaktit të personave të infektuar. Burimet zyrtare pranë DSHP-së Berat konfirmojnë se,edhe në Komisariatin e Policisë Urë-Vajgurore është kryer dezinfektimi i të gjitha ambjenteve dhe mbyllja e përkohshme e zyrës ku punonte inspektori i krimeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
