LIGJET E BIZNESIT
Pas rreth një viti në krye të detyrës, Robert Lili është shkarkuar nga posti si kreu i Autoritetit Kombëtar të Ushqimit (AKU).
Në vend të tij mësohet se është emëruar Bledar Skënderi.
Kujtojmë se ky i fundit u tërhoq pak ditë më parë nga kandidatura për anëtar i KQZ.
Lajmin e ka bërë me dije Ministria e Bujqësisë, ku ministri Bledi Çuçi tha se Skënderi do të punojë me përkushtim dhe do të çojë përpara procesin e ristrukturimit të AKU.
“Në mbledhjen e sotme të qeverisë është marrë vendim për lirimin nga detyra të Drejtorit të Përgjithshëm të Autoritetit Kombëtar të Ushqimit, Robert Lili.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ministri i Bujqësisë dhe Zhvillimit Rural, z.Bledi Çuçi e falënderon për kontributin e deritanishëm dhe punën e lavdërueshme të bërë në drejtimin e AKU-së, procesin e nisur të reformimit dhe shndërrimit të AKU-së në një njësi inteligjente. Lili do të vijojë angazhimin profesional brenda strukturave të Ministrisë së Bujqësisë dhe Zhvillimit Rural.
Po sot, me vendim të Këshillit të Ministrave është emëruar drejtori i ri i këtij institucioni, Bledar Skënderi. Shprehim besimin se ai do të punojë me përkushtim dhe do të çojë përpara procesin e ristrukturimit të Autoritetit Kombëtar të Ushqimit i nisur nga paraardhësi i tij, si dhe do të adresojë si duhet të gjitha sfidat dhe problematikat që lidhen me sigurinë ushqimore në vend”, thuhet në njoftimin zyrtar të Ministrisë së Bujqësisë.
