“Ose firmose ose…”, Edi Rama del para gazetarëve dhe ‘kërcënon’ publikisht Ilir Metën

Kryeministri Edi Rama në një prononcim për gazetarët fill pas përfundimit të mbledhjes me drejtuesit politikë të PS-së në selinë rozë, ka paralajmëruar Ilir Metën që të kalojë sa më parë ndryshimet në Kodin Penal, pasi nuk ka kohë për implemetimin e tyre, për zgjedhjet e 25 Qershorit.

Ndërkohë që kreu i qeverisë u shpreh i gatshëm dhe për opsionin e dytë, në rast se presidenti e kthen dekretin në Kuvend, ku tha se deputetët sërish do të votojnë pro ndryshimeve.

“5 qershori është respektuar dhe 30 qershori është respektuar. Presidenti bën mirë ta firmos se koha për t’u implementuar është e shkurtër, në rast se e kthen në Kuvend do e votojmë sërish”, u shpreh Rama.

I pyetur nga gazetarët lidhur me planin me 5 pika të Lulzim Bashës, Rama zgjodhi që të refuzonte të jepte një përgjigje për këtë, duke thënë se nuk ishte në dijeni të asnjë plani të tillë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern