Moment drithërues/ Erdhi nga kampi në Siri, Endri Dumani takohet me të ëmën pas 7 vitesh: Eja te mami, o zemër

Menjëherë pas mbërritjes nga Siria, Endrit Dumani u takua për herë të parë pas 7 vitesh me nënën dhe dajën e tij.

Në pamje të parë ai nuk reagon shumë dhe ndihet i hutuar nga ky takim.

Kryeministri Edi Rama ka publikuar një video ku shihet sesi familjarët janë të emocionuar, ndërkohë qe vetë kreu i qeverisë zbulon se fjalët që i ka thënë Endri janë “sa qenke plakur”.

Nëna e Endrit, nuk ngopet së përqafuari djalin e saj, që i ati ia mori nga krahët në moshën 6-vjeçare, së bashku me Evën, e cila ndodhet ende në kamp, pasi nuk ka pranuar të kthehet.

Sigurisht që familja ka bërë apele dhe përmes medias, që ajo të pranojë të kthehet në Shqipëri, po duket se vajza është e ndikuar nga disa familje të tjera shqiptare, që janë në kamp, dhe që gjithashtu nuk kanë pranuar që të kthehen në vendin tonë, nga frika e një përballje të mundshme me drejtësinë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern