“Kjo është maskaradë” Meta del në konferencë me thirrjen urgjente: Shkelen të drejtat e qytetarëve

Presidenti Ilir Meta ka dalë në një konferencë urgjente për shtyp.

Kreu i Shtetit është shprehur i shqetësuar për aktin normative të qeverisë në lidhje me gjobat që do të vendosen në faturën e qeverisë për mosmbajtjen e maskës.

Sipas Metës, kjo gjë është e paqartë dhe e shndërron OSHEE në një instrument policor dhe elektoral.

Presidenti i ka bërë thirrje qeverisë që të rishikojë aktin normativ dhe Kuvendit ta ndryshojë.

“Çdo masë që merret për arsye shëndetësore e certifikuar nga ekspertë e mirëpritur, por përmbajtja e aktit që gjobit qytetarët për mosmbajtjen e maskave është një maskaradë, se shkel në mënyrë flagrante të drejtat e qytetarëvre, se mund ti lërë pa drita në fund të muajit në mes te dimrit se i shantazhon me burg, e shndërron OSHEE në një instrument policor e ndoshta edhe elektoral që ekzekuton në mënyrë të paligjshme gjoba. Nuk është zgjidhje ti lësh njerëzit pa drita, e që në fund të muajit kur mos të kenë mundësinë të paguajnë gjobat ti presësh dritat e ti shantazhosh me burg.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

OSHEE ka mision të furnizojë më energji elektrike, s’mund të ndërpresë energjinë për mosmbajtjen e maskës, akti normativ në 3 fjali tërësisht të paqarta e të mjegullta shkon shumë më tej në qëllimet e tij dashakeqëse.

Do ti bëjë me precedent penal shqiptarët të përfundojnë në dyert e prokurorisë e gjykatës e të harrojnë problemet themelore ku qeveria ka zhytur vendin. I bëj thirrje qeverisë ta rishikojë e Kuvendi ta ndryshojë atë”, u shpreh Meta gjatë fjalës së tij.