“Keni 48 orë kohë” OFL i dërgon ultimatum 3 ‘të fortëve’ të Vlorës: Deklaroni pasurinë

Ditën e sotme OFL i ka dërguar formularin e vetëdeklarimit tre vlonjatëve të dënuar për vepra të ndryshme penale.

Bëhet fjalë për shtetasit Eraldo Canaj, Viktor Omeri dhe Pëllumb Sherifaj të cilët kanë 48 orë kohë për të deklaruar pasurinë..

Mësohet se në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

– Eraldo Canaj , banues në Vlorë, i dënuar për veprën penale “Prodhimi dhe shitja e narkotikëve”;

– Viktor Omeri, banues në Vlorë, i dënuar për veprën penale “Vrasja me paramendim”;

– Pëllumb Sherifaj, banues në Vlorë, i dënuar për veprën penale “Vrasja me paramendim”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.