LIGJET E BIZNESIT
Votimi i kandidatëve për deputetë të PD në degën e Kamzës ka degraduar në sherr masiv me grushe dhe sende të forta.
Mësohet se disa njerëz të Xhelal Mziut nuk kanë lejuar që kundërshtarët e ish-kryebashkiakut të votojnë kundër.
Dy prej anëtarëve të PD që kanë shkuar të votojnë, janë rrahur nga badigardët e Mziut, raporton Newsbomb.al. Bëhet me dije se Darvin Zalla dhe Jetmir Prenci që personat kanë përfunduar në spital.
Darvin Zall nuk është një emër i panjohur për publikun, pasi është personi që te protestat pas shembjes së Teatrit Kombëtar rrahu artistin vizual Gentian Shkurti.
Por si ndodhi ngjarja?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në 17 maj të këtij viti, kur aktorë dhe artistë të të gjitha fushave protestonin kundër vendimit të qeverisë për prishjen e Teatrit Kombëtar, në sheshin e teatrit u afrua kreu i PD-së Lulzim Basha.
Duke dashur që çështja e Teatrit të mos bëhej politike, artistët kanë bërtitur “nuk duam politikë”, por në këtë moment militantët e Partisë Demokratike u janë vërsulur artistëve dhe i kanë goditur.
Një prej tyre ishte edhe Darvin Zalla, i cili godet dhe hedh përtokë artistin vizual Gentian Shkurti.
