“COVID19 bën të vetën” Pas infektimit, avokati i njohur tregon gjendjen shëndetësore, ja fotot që nxjerr: Jeta vazhdon

Avokati i njohur Idajet Beqiri hyn në listën e personave që janë prekur nga COVID19.

Ndërkohë së fundmi ai ka vendosur të ndaje me ndjekësit disa fotografi, ku shfaqet së bashku me bashkëshorten.

Duket se ai tashmë është shëruar nga koronavirusi dhe gjendja shëndetësore paraqitet e stabilizuar.

“Përsëri në këmbë… COVID-19 bënë të vetën… Ne, me besimin në Zot, me ndimën e mjekëve dhe të personelit mjekësor, me solidaritetin e shkëlqyer të qindra, deri mijra miqve dhe të afërmve tanë, të cilëve u shpreh me përulje mirënjohjen të thellë, bëjmë tonën… Jeta vazhdon…”, shkruan Beqiri, ndërsa tashmë pritet të përgatitet për gjyqin e Izet Haxhisë, i cili akuzohet si i përfshirë në vrasjen e ish-deputetit të Partisë Demokratike Azem Hajdari.

Kujtojmë se me 9 tetor, Beqiri depozitoi në sekretarinë e Gjykatës një kërkesë për shtyrjen e gjyqit pasi ishte karantinuar në shtëpinë e tij sepse ishte prekur nga Covid-19.

Kështu, seanca e radhës u caktua më datë 23 tetor 2020 dhe aty pritet të vendoset nëse ish-kryeministri Sali Berisha dhe 30 persona të tjerë do të merren si dëshimtarë apo jo.