LIGJET E BIZNESIT
Konfirmohet ngjarja e rëndë që u denoncua dje nga gazetari investigativ Artan Hoxha.
Ky i fundit ngriti alarmin se tre kushërinj janë zhdukur në Malësinë e Madhe, të cilët dyshohet se janë vrarë.
Ndërkohë, mësohet se vëllai i njërit prej tyre ka bërë denoncim përpara pak orësh.
Prej datës 3 tetor ai nuk ka patur kontakte me të vëllanë dhe dy të afërmit e tjerë.
Bëhet fjalë për shtetasit Vilson Pal Çutaj, banues në fshatin Bajzë, Klement Nush Pepaj dhe Danjel Rrok Pepaj, të dy banues në Vrith, janë larguar pa gjurmë dhe prej dy ditësh, familjarët e tyre nuk dinë asgjë për ta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se gazetari Artan Hoxha ngriti alarmin një natë më parë se kishte ndodhur një ngjarje e përmasave tragjike.
Me anë të një reagimi në rrjetet sociale, gazetari shkruante për një vrasje të trefishtë në fshatrat e Shkodrës.
Të tre personat e mësipërm, sipas Hoxhës, janë zhdukur pa lënë gjurmë dhe se dyshohet se janë vrarë për shkak të parcelave të kanabisit.
Ende nuk ka asnjë reagim zyrtar nga Policia e Shtetit në lidhje me rastin në fjalë.
