Pas lajmit se shefja e epidemiologjisë në ISHP Silva Bino rezultoi pozitive me koronavirus, ka ardhur dhe reagimi i ministres së Shëndetësisë Ogerta Manastirliu.
Kjo e fundit i uron shërim të shpejtë dhe bën me dije se Bino është në gjendje të stabilizuar.
“I uroj shërim të shpejtë prof. Silva Binos, që po trajtohet me kujdes e profesionalizëm nga kolegët e saj në spitalin infektiv në QSUT. Mjekët konfirmojnë se gjendja e saj është e stabilizuar. Dr. Bino të presim të na bashkohesh sa më parë”.-shprehet Manastirliu.