Njëra vdiq e tjetra po lufton në spital, fatkeqësia e dy motrave që u aksidentuan mbrëmjen e sotme ne Elbasan, fati i ndau vetëm për disa centimetra

Disa centimetra distancë, kanë mjaftuar që dy motra të ndaheshin sot nga njëra-tjetra. Nervida dhe Lusinda Garunja, të dyja motra, ishin dy nga të aksidentuarat mbrëmjen e sotme. Lusinda pati fatin e zi të ndahej nga jeta mbrëmjen e sotme, pasi ishte ulur në sediljen e pasme, ku goditja nga një tjetër mjet mjaftoi për t’i dhënë fund jetës së saj.

Ndërsa Nervida, e ulur si pasagjere në vendin e parë, vetëm pak larg të motrës, ndodhet në spital, në gjendje të rëndë për jetën. Denisa Dibra, është e plagosura tjetër që po lufton me vdekjen në spital. Dibra ishte në timon në momentin që ndodhi aksidenti tragjik. Katër vajzat po udhëtonin në automjetin e llojit “Golf” në momentin që u përplasën nga pas nga një automjet “Mercedez Benz”, në timonin e të cilit ishte 58-vjeçari Behar Pema.

Ky i fundit është vënë në pranga, pasi ka rezultuar se ishte në gjendje të dehur dhe po udhëtonte me shpejtësi tej normave të lejuara. Viktima tjetër është Xheneta Qallia, nga Shkodra, ashtu si edhe tre vajzat e tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern