E ftuar mbrëmjen e sotme në ‘Real Story’, ministrja e Financave Anila Denaj , krahasoi paketat e ndihmës së qeverisë me planin që propozon Partia Demokratike.
Sipas Denajt, ajo që bizneset kanë fituar në gjithë këto kohë është më e madhe se 1 mijë dollarëshi i premtuar nga zoti Basha.
“Po të krahasojmë paketat për biznesin e vogël ne iu kemi hequr tatim fitimin, por morën edhe paketën e parë jo vetëm për vete por edhe për një bashkëfamiljar. Duke u ndalur te paketa e zotit Basha për 35 mijë biznese, për çdo biznes ndihma jonë ishte 1 mijë e 45 dollarë dhe është më shumë se 1 mijë dollarëshi i premtuar nga zoti Basha. Ne paketat i adresuam te biznesi i vogël se ishte më vulnerabël”,- tha Denaj.