Një aksident i rëndë automobilistik ka ndodhur sot në mëngjes në Vaqarr të Tiranës.
Mësohet se për pasojë ka humbur jetën një 60-vjeçar.
Ndërkohë policia ka shoqëruar drejtuesin e mjetit, shtetasin me iniciale A.H.
“Rreth orës 00:30, në Vaqarr, tek kthesa e Arbanës, mjeti me drejtues A.H., ka aksidentuar një person të paidentifikuar rreth 60 vjeç, i cili si pasojë e plagëve të marra ka gjetur vdekjen.
Drejtuesi i mjetit është shoqëruar në ambientet e Komisariatit të Policisë Nr.6, për veprime të metejshme hetimore.
Grupi hetimor dhe sherbimet e Policisë ndodhen në vendngjarje dhe vijon puna për zbardhjen e rrethanave të ngjarjes.”-thuhet në njoftimin zyrtar të uniformave blu.
