Shqiptari u vra me 10 plumba para syve të gruas dhe foshnjës në Londër, autori para gjykatës. Çfarë thotë ai për krimin

Kickboxer Anis Fouad Hemissi dyshohet se ka vrarë Beqirin në prag të shtëpisë së tij dhjetorin e vitit të shkuar.

Flamuri, i cili ishte 36 vjeç, u qëllua 10 herë para gruas së tij Dëbora Krasniqi dhe fëmijës së vogël rreth orës 9:00 më 24 dhjetor të vitit të kaluar.

Familja e tre fëmijëve sapo ishte rikthyer në shtëpinë e tyre prej 1.5 milion paund në Battersea, në jug-perëndim të Londrës, kur sulmuesi i vetmuar bëri kërdi, duke i marrë jetën burrit.

Flamuri, i cili njihej edhe si Alex, kishte jetuar në Londër për rreth pesë vjet para se të ekzekutohej. Ai ishte martuar me gruan e tij në Lake Como, Itali në vitin 2018.

Hemissi u arrestua në Aeroportin e Kopenhagës më 20 janar, ndaj të cilit ishte lëshuar një urdhër-arresti evropian nga Scotland Yard dhe më pas kthye në Mbretërinë e Bashkuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sot, ai u paraqit në gjykatë për një seancë dëgjimore përmes lidhjes video nga burgu “Belmarsh”. Hemissi mohon akuzat për vrasje dhe mbajtjen e një arme zjarri të ndaluar, shkruan “Mirror”.

Gjykatësi Sarah Munro vendosi një gjykim deri në tre javë, proces i cili do të zhvillohet para një gjykatësi të Gjykatës së Lartë, duke filluar nga 12 korriku 2021.

Flamuri, i cili lindi në Shqipëri përpara se të transferohej në Suedi, ishte bashkëthemelues i një kompanie si dhe drejtori një firmë të quajtur Fantabolous Music.