E rëndë në Tiranë/ Gjendet i pajetë një foshnje në kuti kartoni, afër koshit të mbeturinave

Një ngjarje e rëndë ka ndodhur sot në Tiranë.

Mësohet se një foshnje është gjetur e pajetë brenda në një kuti afër koshit të mbeturinave në lagjen “Ali Demi”.

Ndërkohë policia bën me dije se ka qenë një qytetar i cili ka njoftuar sallën operative të DVP Tiranë se në lagjen “Ali Demi”, mbrapa ish-markatës së vjetër në një kazan mbeturinash, është gjetur një foshnje e seksit mashkull i pa jetë.

Në vendngjarje kanë shkuar shërbimet e policisë dhe ambulanca.

Foshnja e pajetë është transportuar në morg.

Një hetim ka nisur nga policia lidhur me ngjarjen.

“Në lagjen ‘Ali Demi’, mbrapa ish-markatës së vjetër, në koshin e mbeturinave është gjetur pa shenja jete një foshnje i gjinisë mashkullore. Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes, identifikimin dhe shoqërimin e shtetasit/es që ka hedhur në kosh foshnjën”, thuhet në njoftimin zyrtar të policisë.