LAJM I FUNDIT/ Rikthehet karantina në Kosovë, këto janë qytetet që do izolohen

Kosova vijon të ketë një situatë shqetësuese përsa i përket numrit të të infektuarve me COVID19.

Pas një rritje të ndjeshme të rasteve të reja dy javët e fundit, kryeministri Avdullah Hoti ka marrë sot një vendim të rëndësishëm.

Gjithashtu edhe numri i viktimave ka pësuar një rritje, ku në 24 orët e fundit janë shënuar  12 viktima, duke e çuar në 70 numrin e përgjithshëm të të vdekurëve.

Kështu, kreu i qeverisë Hoti marrë disa masa drastike, duke vendosur disa qytete sërish në karantinë.

Në qytetet Prishtinë, Prizren, Ferizaj e Vushtrri do të kufizohet lëvizja e lirë.

“Në qytetet ku ka numër te madh do të kufizohet plotësisht lëvizja. Nga sonte në Prishtinë, Prizren, Ferizaj, Vushtrri. Do te kufizojmë plotësisht lëvizjen nga ora 21 deri në orën 5 në mëngjes. Do të përcjellim pastaj lëvizjet e numrave me infektime.

Do të reduktojmë numrin e të punësuarve në institucione vetëm në staf të domosdoshëm. Në institucione shëndetësore, do të reduktohen të gjitha shërbimet që janë jo-esecenciale që presin. Sa i përket bizneseve. Mbyllen të gjitha lokalet e gastronomisë nga ora 21 deri në orën 5 të mëngjesit.Lejohet puna vetëm në hapësira të hapura dhe take away. Numri i njerëzve që shfrytëzojnë një autobus publik përgjysmohet.”- ka deklaruar Hoti.