LIGJET E BIZNESIT
Në kohën ku vendi ynë ende është i prekur nga pandemia e koronavirusit, e cila ka hyrë prej tre muajsh, kryeministri Edi Rama po mban një konferencë me gazetarët në të njëjtin ambient, që nga data 9 mars, kur virusi erdhi për herë të parë në Shqipëri.
Ai ka paralajmëruar se virusi akoma nuk ka ikur dhe duhen respektuar masat.
“Nuk bëjmë dot pa njëri-tjetrin”, – iu drejtua Rama gazetarëve. “Virusi nuk ka ikur, prandaj duhet kujdes dhe duhet të respektohen masat” , theksoi kryeministri.
Gjithashtu kreu i qeverisë komentoi dhe sfidën në ekonominë shqiptare që ka sjellë situata e pandemisë.
“Mbetet sfidë adresimi i pasojave ekonomike, hap pas hapi do i adresojmë këto pasoja, përtej çfarë thuhet, asgjë nuk është perfekte dhe pa të meta, ne do të arrijmë që të rezistojmë mirë deri në fundin e këtij 4 mujori të dytë, në të tretin do të shikojmë rikthimin e parametrave të ekonomisë dhe do të marrim vrull për kapërcimin në 2021, ku presim rikthimin e plotë të parametrave dhe më shumë se kaq”, – tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
