Thellohet bilanci/ Pacienti në Infektiv humb jetën nga COVID19, rritet numri i të shtruarve në spital

Thellohet bilanci i viktimave nga COVID19 në vendin tonë.

Mësohet se një tjetër pacient i infektuar ka ndërruar jetë në Spitalin Infektiv, duke e çuar numrin e viktimave në 42.

Bëhet fjalë për një 69 vjeçar nga Kruja i cili vuante dhe nga leukoza akute.

“Një pacient 69-vjeçar nga Kruja me leukozë akute, ka ndërruar jetë në Spitalin Infektiv, i prekur nga Covid-19. Pavarësisht mjekimit intensiv prej 10 ditësh dhe përpjekjeve të stafit mjekësor, nuk arriti të mbijetojë. Ministria e Shëndetësisë i shpreh ngushëllime familjes së të ndjerit,” deklaroi Ministria e Shëndetësisë në njoftimin zyrtar.

Ndërkohë është rritur ndjeshëm dhe numri i pacientëve me COVID19 që marrin mjekim në Spitalin Infektiv në Tiranë.

Në 24 orët e fundit ka rritje të të shtruarve në Spitalin Infektiv. Aktualisht po marrin shërbim 64 pacientë, 7 prej tyre janë në terapi intensive ndërsa 1 është i intubuar.

Në vendin tonë janë aktualisht 682 persona aktivë me COVID-19, kryesisht në Tiranë, Shkodër, Krujë.

“Në 24 orët e fundit ka rritje të të shtruarve në spitalin infektiv. Aktualisht po marrin shërbim 64 pacientë, 7 prej tyre janë në terapi intensive ndërsa 1 është i intubuar.
Në vendin tonë janë aktualisht 682 persona aktivë me COVID19, kryesisht në Tiranë, Shkodër, Krujë.”, thuhet ndër të tjera në njoftimin e ministrisë.