“S’ka më kthim pas” Ngjela bën paralajmërimin e fortë: Do shpërthente lufta, nuk është aq e thjeshtë

Një paralajmërim i fortë vjen së fundmi nga avokati i njohur Spartak Ngjela.

Ai deklaron se opsioni i shkëmbimit të territoreve në raportin e bisedimeve Kosovë-Serbi nuk mund të qëndrojë.

Ngjela shton se pot ë vendoset ky shkëmbim në axhendë shpërthen një luftë historike shqiptare për mbrojtjen e kufinjve.

“A mund të qëndrojë më opsioni i shkëmbimit të territoreve në raportin e bisedimeve Kosovë – Serbi?
Jo, ky është një opsioni i vdekur. Arsyeja kryesore është fakti që shqiptarët e Kosovës u bashkuan si një trup kundër kësaj mundësie, dhe të gatshëm për të mbrojtur trojet e tyre mijëravjeçarë.
Po a mund të ketë më kthim mbrapa për këtë çështje?

Jo, nuk mund të ketë një kthim mbrapa, sepse po të vendoset shkëmbimi i territoreve në axhendën e bisedimeve Kosovë – Serbi, në Kosovë shpërthen një luftë historikë shqiptare për mbrojtjen e kufijve historikë.

Nuk është aq e thjeshtë kjo luftë: në Kosovë ju garantoj se do të përsëritet sërisht Lufta e Vlorës.
Madje kuptohet se në Prishtinë ka shkuar ndërkohë dhe Avni Rustemi, sepse, kur ai vrau tradhëtinë, aktivist i Kosovës ka qenë dhe, më pas, edhe deputet i saj.”-shkruan Ngjela në rrjetet sociale.