Shpërthen Murrizi: Nuk ka bibi*ush të më bëjë presion mua

Deputeti Myslim Murrizi ka thënë mbrëmjen e sotme se atij nuk mundet askush t’i bëjë presion për të votuar Reformën Zgjedhore në Kuvend.

“Nuk ka bilbilush të këtyre ferrave poshtë tavolinës që mund ti bëjë presion Myslim Murrizit, merre nga të duash nga i pari i qeverisë. Të njëjtin qëndrim kam mbajtur edhe me Ambasadoren amerikane dhe Sorecën. Nuk kam çmim unë.Kush ka qejf të përdoret, të bëhet ndaç njëpërdorimësh, ndaç shumëpërdorimësh”, tha Murrizi në RTV Ora.

Gjithashtu, deputeti nuk përjashtoi mundësinë që deputetët etjerë opozitarë ta votojnë.

“Grupi parlamentar Demokrat që drejtoj unë ka 11 deputetë, 11 ka dhe grupi që drejtohet nga Stojku, 9 deputetë ka grupi i Musait. Janë 31. Unë kam deklaruar me sinqeritet që nuk jam as kapoja dhe as tutori i deputetëve të opozitës në Kuvend. Trafikimi në Kuvend nuk është risi e këtij mandati, me vota të trafikuara është zgjedhur një President në Shqipëri. 17 deputetë aty kanë ardhur nga LSI.Mbase kanë kujtuar që janë në koalicion me ta dhe kanë votuar ligjet e Ramës, ka vazhduar inercia, nuk e di”, shtoi ai.