LIGJET E BIZNESIT
Marrëveshjen për reformën zgjedhore e ka vlerësuar edhe kongresmeni amerikan, Eliot Engel. Në një reagim lidhur me këtë çështje, Engel thotë se marrëveshja është e denjë dhe përbën një hap përpara për Shqipërinë në rrugën europiane.
Por ai nënvizon edhe dy mangësitë, sistemin zgjedhor dhe mundësimin e votës së emigrantëve.
Sipas tij vota emigrantëve duhet të përmbushet në zgjedhjet e 2021, e shton se parlamenti ndërsa t’i marrë parasysh të gjithë zërat, duke mundësuar hapjen e listave në një të ardhme sa më të afërme.
“Marrëveshja e reformës zgjedhore në Shqipëri përmban disa hapa të denjë përpara. Ai përfshin dispozita që depolitizojnë administratën zgjedhore, zgjerojnë transparencën dhe forcojnë pavarësinë e komisionerëve të zgjedhjeve. E rëndësishmja, do t’i lejojë Shqipërisë të fillojë procesin e anëtarësimit në BE.
Parlamenti duhet të marrë parasysh të gjithë zërat dhe të marrë një masë shtesë në të ardhmen e afërt, e cila do të përfshijë lista të hapura dhe duke mundësuar që shqiptaro-amerikanët dhe shqiptarët e tjerë në tërë diasporën të votojnë në zgjedhjet e 2021 në vendbanimin e tyre.
Unë u bëj thirrje miqve të mi në Shqipëri që të vazhdojnë punën për reformën e zgjedhjeve në mënyrë që demokracia juaj të jetë e fortë, me rrënjë të qëndrueshme dhe me bazë të gjerë”, shkruan Eliot L. Engel.
