Përfundimi i mbledhjes së Këshillit Politik, Gjiknuri: Shpresoj të mbyllim nesër Kodin Zgjedhor

Pasi është mbyllur mbledhja e Këshillit Politik ka folur Damian Gjiknuri, përfaqësuesi i mazhorancës.

Sipas Gjiknurit draftet janë gati, por PD ka kërkuar ende kohë për të diskutuar me ekspertët e saj.

Ndër të tjera, Gjiknuri shpreson që ditën e nesërme të arrihet marrëveshja për të mbyllur dispozitat përfundimtare.

“Shpresoj që nesër do të kemi amendamentin përfundimtar. Draftet janë gati. Partia Demokratike ka kërkuar pak më shumë kohë për të diskutuar me ekspertët e tyre. Ka akoma disa pika për t’u diskutuar. Shpresojmë se do vijnë nesër në mënyrë që të kemi dispozitat përfundimtare”, u shpreh Gjiknuri.