“Ne besojmë në pafajsinë e tyre”, Meta reagon pas akuzave kundër Thaçit dhe Veselit për kri*e lufte

Presidenti Ilir Meta ka reaguar pas akuzave të ngrituara nga Gjykata e Hagës kundër Hashim Thaçit dhe Kadri Veselit. Meta beson se akuzat kundër homologut Thaçi dhe kreut të PDK-së Veseli do të bien në Hagë, njësoj si ka ndodhur me luftëtarë të tjerë të UÇK-së.

Nëpërmjet një postimi në rrjetin social Facebook, Meta thotë se lufta e UÇK-së rezultoi e drejtë dhe vendimtare.

Reagimi i plotë i Metës:

Lufta e UÇK-së, që iu imponua popullit të Kosovës nga shtypja dhe gjenocidi i regjimit kriminal të Millosheviçit, rezultoi se ishte e drejtë dhe vendimtare, jo vetëm për lirinë dhe themelimin e Republikës së Kosovës në kufijtë e njohur ndërkombëtarisht, por edhe për paqen, stabilitetin dhe ardhmërinë e saj europiane dhe të rajonit tonë.

Ne besojmë në pafajësinë e Presidentit Hashim Thaçi, ish-Kryetarit të Kuvendit, Kadri Veseli dhe të gjithë bashkëluftëtarëve të tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Edhe më parë janë ngritur akuza ndaj ish-drejtuesve të UÇK, por pafajësia e tyre dhe drejtësia e luftës është konfirmuar.

Ne besojmë se kjo do të ndodhë përsëri.