Aktori i njohur i humorit Florjan Binaj ka folur drejtpërdrejt, mbrëmjen e sotme, pasi ka rezultuar pozitiv me COVID-19.
Në një lidhje direkte me emisionin Open, Binaj ka thënë se gëzon shëndet të plotë dhe s’ka asnjë shenjë.
“Gjendja ime është shumë e mirë siç e shihni. S’kam as kollë. Hy te këta asimptomatikët tani. Duhet të rri 14 ditë”, tha ai.
Ndër të tjera, aktori ka treguar se javën e kaluar kishte pasur temperaturë gjatë një fundjave në plazh dhe prandaj e kishte bërë tamponin.
“Unë s’kuptova asgjë, thjesht bëra tamponin. Javën e kaluar pata një temperturë se isha në plazh e s’kisha xhup me vete. Për shkak të temperaturës bëra tamponin se për hir të familjes dhe punës. Prita përgjigjen me qetësinë më të madhe. U shqetësova pak se nuk e prisja, por nga ana tjetër jam shumë i qetë se s’kam simptomat dhe organizmi im…
Sot e ka bërë babai, nesër do ta bëj pjesa tjetër e familjes. Kështu është protokolli, do e bëj gjithë familja. Më shumë kolegët e punës. Ata kanë bërë shumica tampon dhe kanë dalë negativë.
Fatkeqësisht nuk do jem as në Portokalli. Mora vet nismën për të dhënë lajmin, filluan portalet shkuanin gjendja e keqe e aktorit”, u shpreh aktori.
