I shpëtoi atentatit/ Mori plumb shumë afër zemrës, drejtori i Traumës tregon gjendjen e Ardian Çapjas

Ardian Capja pas atentatit që iu bë paraditen e sotme në Elbasan, është transportuar për në spitalin e Traumës ku më pas iu nënshtrua dhe një ndërhyrjeje kirurgjikale.

Ndërkohë për gjendjen e tij shëndetësore ka folur dhe drejtori i Spitalit të Traumës Arben Zenelaj.

Në një komunikim për mediat ai tha se Çapja ka dalë nga operacioni në këto momente, por për faktin se plumbi ndodhej shumë pranë zemrës dhe humbjes së sasive të mëdha të gjakut, gjendja e tij shëndetësore është në rrezik.

Mjeku Zenelaj shtoi se gjendja e të plagosurit vazhdon të jetë kritike.

Operacioni i Çapjas ka përfunduar, ndërsa orët në vijim do të jenë vendimtare për jetën e tij.