LIGJET E BIZNESIT
Është thelluar më tepër skandali seksual, ku roja i shkollës përdhunoi 15-vjeçaren në Babrru.
Në lidhje më çështjen janë arrestuar 4 persona, mes tyre edhe 65-vjeçari abuzues.
Mësohet se e mitura është abuzuar mbi 15 herë nga roja Abaz Dogu.
Policia bën me dije se në telefonin e 65-vjeçarit janë gjetur 19 video erotike dhe në to tregohet abuzimi i Dogut dhe tre personave të tjerë, që janë shtetasit me iniciale K.P., R.O., dhe F.B.
Në dosjen e Prokurorisë bëhet me dije se dy nga videot i janë shitur Abaz Dogut nga shtetasit R.O., DHE K.P. për 2 mijë lekë të vjetra.
Policia bën me dije se e mitura është abuzuar nga roja i shkollës dhe tre djemtë për më shumë se një vit, por në abuzimin seksual janë përfshirë edhe dy vajza të tjera, që tashmë janë në vit të parë në gjimnaz.
Denoncuesi S.TH. tregon që dy vajzat e mitura janë abuzuar nga Abaz Dogu dhe nga disa djem të tjerë të shkollës.
Mësohet se vendi ku tre vajzat abuzoheshin seksualisht nga Dogu ishte shtëpia e braktisur e vëllait të tij, e cila ndodhej 100 metra larg nga shkolla.
Tashmë hetimet kanë nisur edhe për raste të tjera abuzimesh sepse të dyshuar janë edhe mësuesit e shkollës.
Për shkak të këtij skandali Drejtoria Arsimore vendosi të shkarkojë edhe drejtorin e shkollës Abaz Hoxha, i cili kishte punësuar si roje nate Abaz Dogun.
