“Duhet të jemi gati” Paralajmërimi i fortë i Ramës: Vala e dytë e koronavirusit mund të vijë në vjeshtë

Gjatë konferencës që po zhvillon kryeministri Edi Rama aktualisht me gazetarët në ambientet e spitalit COVID19 të ngritur në periferi të Tiranës, ka paralajmëruar se vala e dytë e koronavirusit mund të kthehet në vjeshtë dhe për këtë duhet të jemi të përgatitur.

Kreu i qeverisë është shprehur se virusi është këtu nuk ka ikur dhe vala tjetër mund të vijë me të gjithë viruset që shoqërojnë hyrjen e dimrit.

“Virusi  është këtu dhe në kushtet kur ne e kemi normalizuar lëvizjen dhe jetën nga pikëpamja e lirive është e qartë që  e gjithë ëprgjegjësia tani nuk është vetëm  e jona si  qeveri dhe e institucioneve, por e çdo familjeje. Sepse është e natyrshme që nuk do të kontrollohet populli në jetën  e tij të përditshme me ushtarë dhe inspektorë në kushtet kur çdonjëri mund të bëjë një gabim. Nadaj gabimet duhet ti parandalojë secili.

Nuk duhet ta përqeshim  e të themi hajt se s’më ze mua. Këtë po diskutonim dhe me mjekët, vala e dytë thuhet se mund të vijë në vjeshtë me të gjithë viruset që shoqërojnë hyrjen e dimrit. Nuk dihet çfarë ndikimi  do të ketë fluksi i madh i turistëve. Duhet të jemi gati, spitali është gati. Covid 3 u realizua në kohë rekord”, deklaroi Rama ndër të tjera.