“Dashuria ime e madhe” Rezarta Shkurta dedikim bashkëshortit për ditëlindje: Ishim shumë të rinj kur u njohëm…

Këngëtarja Rezarta Shkurta dhe Ermal Hoxha, nipi i diktatorit Enver Hoxha janë padyshim një nga çiftet më të komentuara në Shqipëri.

Prej vitesh bashkë, ata janë dhe prindër të një vajze me emrin Hera.

Por duket se edhe pse prej shumë kohësh të martuar, Rezarta vijon të jetë e dashuruar pas bashkëshortit ashtu si ditën e parë.

Ai feston sot ditën e lindjes, teksa nuk mungon dhe urimi i këngëtares.

Rezarta Shkurta shkruan se Ermali është dashuria e saj më e madhe dhe pranë tij ndihet gruaja më e lumtur në botë.

“Kur u njohëm të dy shumë të rinj, numëronim çdo ditë ditëlindjet e njëri-tjetrit. Sot numërojmë sesa shumë ëndrra kemi realizuar bashkë… Uroj të plakemi bashkë e të numërojmë  ëndrrat e nipërve dhe e mbesave tanë. Gëzuar ditëlindjen dashuria ime e madhe! Me ty pranë jam gruaja më e lumtur në botë.”- citon ajo krahas fotos ku duken të dy.