Alarm në Komisariatin e Elbasanit/ I riu godet me makinë derën e policisë dhe hyn me pistoletë, por ja si e pëson në fund

Një skenë si nëpër filma mund të cilësohet ajo që ka ndodhur sot në mëngjes në Komisariatin e Policisë Elbasan.

Mësohet se një 34-vjeçar në gjendje të rënduar psikologjike ka goditur me makinë portën hyrëse.

Por duket se ai nuk është ndalur me kaq.

Më pas i riu me iniciale L.B ka dalë nga makina me pistoletë me gaz në dorë, por menjëherë është neutralizuar dhe prangosur nga policia.

NJOFTIMI ZYRTAR I POLICISE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Elbasan/ Informacion paraprak

Rreth orës 11:00, shtetasi B. L., 34 vjeç, banues në Elbasan, dyshohet në gjendje të rënduar psikologjike, duke drejtuar mjetin tip “Toyota”, ka goditur portën hyrëse të DVP Elbasan dhe ka hyrë në oborrin e DVP-së, duke mos iu bindur urdhrit për të ndaluar të dhënë nga punonjësi i Policisë që kryente shërbim në hyrje të DVP-së.

Ky shtetas, pasi ka hyrë në oborr, ka dalë nga mjeti me një pistoletë me gaz në dorë, duke bërë lëvizje të pakontrolluara, por është neutralizuar dhe prangosur menjëherë nga shërbimet e Policisë.

Specialistët për Hetimin e Krimit dhe grupi hetimor po vijojnë veprimet për sqarimin e rrethanave të ngjarjes.