Momenti më i keq për të transmmetuar sëmundjen, mjeku Pipero: 3-4 veta bashkë, rrezik!

Takimi i njerëzve me të afërmit dhe miqtë në rrugë  dhe grumbullimi më pas 3-4 veta për muhabet është një moment i keq për përhapjen e virusit. Kështu është shprehur mjeku Pëllumb Pipero në një intervistë në emisionin Open.

“Unë besoj që përgjithsisht çedohet te dëshira e njerëzve për të ndaluar dhe të bëhen 3-4 veta bashkë dhe të bëjnë muhabet. Ky është momenti më i keq për të transmmetuar sëmundjen sepse nëse njëri nga ne e ka, infekton të tjerët. Ndaj është shumë e rëndësishme distanca fizike. Pra ndalojnë 3-4 veta dhe bëjnë muhabet. Por virusi mund të transmetohet dhe nga spërklat më të vogla”, tha Pipero.

Më tej, mjeku tha se maskat dhe dorezat duhet të mbahen në ambiente publike dhe urban, por jo kur qytetarët ecin rrugës. Madje për këtë ai solli rastin e një çifti që kishte ndaluar vetë në rrugë.

“Virusi vazhdon të qarkullojë dhe është e domosdoshme të ruajmë distancën fizike 1.5-2 metër. Dhe në ambientet publike dhe në transportin urban duhen maska. Unë them maskat dhe dorezat rrugës nuk duhet të mbahen, nuk është e nevojshme. Unë vet shikoj njerëz rrugës, ecin burrë e grua me maska e doreza. Edhe i kam ndaluar ju kam thënë pse i mbani. Është e kot”, përmbylli mjeku Pëllumb Pipero.