E dhimbshme/ Mjeku Pipero tregon historinë: Më dërgo foto të babait, po varrin ku ta gjej

Mbrëmjen e sotme, mjeku Pëllumb Pipero ka treguar disa detaje të dhimbshme të cilat i ka kalaur nga puna në spitalin Infektiv.

Ndërkaq, në një intervistë për Muç Nanon, mjeku ka thënë se te Infektivi ka pasur pacientë që kanë ndërruar jetë dhe nuk kanë pasur asnjë të afërm. Pipero rrëfeu rastin e një pacienti që kishte ndërruar jetë dhe vajza që ndodhej në Itali i kërkonte foto të të atit, apo djali i një pacienti tjetër kërkonte të dinte ku e kishte varrin i ati.

“Kemi pasur qytetarë që kanë humbur jetën dhe nuk kanë pasur asnjë të afërm. I kanë pasur fëmijët jashtë. Njërit i qëlloi edhe gruaja bashkë me fëmijët në Itali dhe vajza që më lutej çoja një foto apo video të babait. Ka pasur dhe nga ata që më kanë pyetur se ku mund ta gjej varrin e babait tim.

Pandemitë nuk janë gjëra të zakonshme, janë të jashtëzakonshme. Kam 40-vjet doktor dhe është hera e parë që e përjetoj këtë lloj pandemie. Kjo pandemi nuk i ngjan as gripit spanjoll është shumë herë më e frikshme. Ndoshta për shkak të mungesës së kapaciteteve mjekësore në të gjithë botën”, u shpreh mjeku Pëllumb Pipero.