LIGJET E BIZNESIT
Një deklaratë e fortë vjen së fundmi nga miliarderi i njohur George Sorros.
Gjatë një interviste për median e huaj “The Indipendent”, ai ka bërë disa parashikime të zymta në lidhje me pasojat që do të sjellë pandemia e COVID19 për të gjithë botën.
Gjithashtu ai nuk ka lënë pa përmendur edhe Europën, ku ka deklaruar se e gjithë kjo situatë mund të sjellë dhe fundin e Bashkimit Europian.
Soros e argumenton këtë gjë duke u shprehur se BE nuk është një bashkim i plotë.
Si arsye ka përdorur vendimin e Gjermanisë mbi Bankën Qëndrore Europiane.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Miliarderi deklaroi se koronavirusi mund t’i japë po ashtu fund kapitalizmit, sic njihet tashmë ndërkombëtarisht. “Unë jam vecanërisht i shqetësuar për BE-në, sepse është një bashkim jo i plotë. Po ashtu, Covid-19 mund të bëjë që kapitalizmi që ne njohim sot të dëmtohet shumë rëndë”, tha ai.
George Soros deklaroi se koronavirusi “prek më lehtë Europën sesa SHBA-në, për shkak se BE mbështetet më shumë në shtetin e së drejtës”. “BE mbështetet më tepër në shtetin e së drejtës. Mirëpo, rrotat e drejtësisë ecin më ngadalë sesa virusi. Kjo krijon një problem të vecantë për unionin europian”, u shpreh Soros.
Soros tha se vendimi i Gjermanisë mbi BQE është një alarm serioz. Gjykata Kushtetuese gjermane javën e kaluar i dha ECB tre muaj për të shpjeguar proporcionalitetin e blerjeve të bonove të saj ose të rrezikojë të humbasë Bundesbank të Gjermanisë, një nga 19 bankat qendrore kombëtare që janë anëtare të BQE, si pjesëmarrëse. Ajo gjithashtu i bëri thirrje parlamentit dhe qeverisë gjermane të sfidojnë BQE për këtë çështje.
