LIGJET E BIZNESIT
Një ditë pas shembjes së Teatrit Kombëtar, artistët vijojnë me reagimet.
Rasti më i fundit është ai i aktores së njohur Ermira Gjata, e cila është dhe pedagoge në Universitetin e Arteve.
Sot në mëngjes ajo ka zbuluar dhe arsyen se përse qeveria ka zgjedhur ditën e djeshme për të shëmbur godinën e Teatrit.
Në një lidhje me ABC Neës mëngjesin e sotëm, me zërin që i dirdhej, ajo ka thënë se data 17 maj, mund të jetë zgjedhur edhe qëllimisht për prishjen e ndërtesës, pasi në këtë datë është çelur zyrtarisht për herë të parë teatri.
‘Mua më njoftuan se po shembet teatri, vetëm kur shkova dhe pash nga afër se si fadromat po prishin pjesët, aty nuk u përmbajta dot, shpërtheva në lot.
Mendoj se mund të jetë bërë qëllimisht, pasi më 17 maj të 1945 është çelur për herë të parë zyrtarisht Teatri Kombëtar.
Ajo godinë mund të restaurohej dhe të bëhej ashtu siç ishte. Akoma besoj ashtu se mund të bëhet. Nuk është fjala thjesht ëpr të qenë emocionale, por për të mbrojtur identitetin e historisë sonë’, u shpreh Ermira Gjata.
