Aksion në Portin e Durrësit/ Kapen 38 kg heroinë, ja ku e kishte fshehur shoferi që ra në prangat e policisë

Një aksion i befasishëm është zhvilluar mëngjesin e sotëm nga policia në Portin e Durrësit.

Mësohet se një kamionist ka rënë në pranga, pasi ka tentuar të dërgonte në Itali 38 kile heroinë, të fshehur në 68 paketa poshtë sediljeve të kamionit.

Sipas informacioneve, i arrestuari është shtetasi Dhimitër Zyka, nga Babrruja e Tiranës.

Në njoftimin zyrtar, Policia njoftoi se strukturat e saj në Durrës, parandaluan dhe goditën një tjetër tentativë për trafikim të drogave të forta. Si rezultat u vu në pranga shtetasi Dh. Z., 49 vjeç, banues në Babrru, Tiranë.

Në PKK Port Durrës, shërbimet e Policisë Kufitare, në bazë të analizës së riskut, ushtruan kontroll të imtësishëm në vijën e dytë, në kamionin që e drejtonte ky shtetas dhe si rezultat i kontrollit, poshtë sediljeve u konstatuan dy vende të fshehura brenda të cilëve ishin fshehur 68 pako me lëndë narkotike të dyshuar heroinë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në cilësinë e provës materiale u sekuestrua lënda narkotike heroinë me peshë totale rreth 38 kg.

Materialet në ngarkim të shtetasit Dh. Z. iu referuan Prokurorisë së Rrethit Gjyqësor Durrës, për veprën penale “Trafikimi i narkotikëve, në bashkëpunim”.