LIGJET E BIZNESIT
Në kuadër të masave për parandalimin e përhapjes së koronavirusit, autoritetet në Shqipëri kanë marrë vendimin për të mbyllur përkohësisht dhe kufirin me Kosovën.
Në një njoftim zyrtar Qendra Kombëtare për Menaxhimin e Kufirit (QKMK), që është në funksion të Ministrisë së Punëve të Brendshme në Kosovë bën me dije se duke filluar nga 13 marsi 2020, në orën 06.00, do të ndalohet hyrja në territorin e Republikës së Shqipërisë për të gjithë personat dhe veturat e Republikës së Kosovës.
”Do të lejohet hyrja vetëm e veturave të shëndetësisë apo ndihmës së shpejtë, automjeteve komerciale (ato të cilat bartin mallra) dhe veturave qeveritare. Kjo masë do të zgjasë deri me datën 15 mars, 2020 në ora 24.00”, thuhet në njoftimin e QKMK-së.
Në kuadër të masave shtrënguese që ndalojnë qarkullimin në Shqipëri, qeveria ka marrë masa edhe për ndalimin e qarkullimit të mjeteve publike dhe atyre private në Tiranë, Durrës, Shkodër, Lezhë, Elbasan, Fier dhe Vlorë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
