Tërmeti/ Arbër Hajdari: Ja si do i menaxhojë qeveria fondet që u mblodhën për tërmetin

I ftuar në emisionin “Mos i fol shoferit” Drejtuesi i Fondacionit “Fundjavë Ndryshe” Arbër Hajdari, tregon se si do i menaxhojë qeveria fondet që u mblodhën për tërmetin. Gjithashtu rrëfen se Fundjavë Ndryshe, ka arritur që të grumbullojë për të prekurit nga tërmeti një shumë prej rreth 2 milion dollarësh.

“Qeveria shqiptare ka krijuar një Komitet të Rindërtimit ku unë jam një prej anëtarëve si palë interesi për të kontribuar për tërmetin. Ne i kemi grumbulluar rreth 2 milion dollarë. Është një fond që është grumbulluar për një javë, ditët e para të tërmetit. Janë rreth 60 mijë donatorë shqiptarë dhe të huaj.

Mendoj që qeveria ka hartuar një master-plan, koordinim, është një projekt që nuk mund të realizohet për një javë, as për dy javë pasi janë shumë zona të reja.

Besoj se e kanë menaxhuar mirë pjesën e dytë të ndeshjes që është kjo, tani dhe pjesën e tretë të ndeshjes, besoj se do e realizojnë akoma më mirë për të vetmen arsye sepse mendoj që pjesë e tryezës së Komitetit të Rindërtimit janë disa njerëz ku mendoj se do bëj pjesë dhe unë, që nuk do të ketë tolerime nëse shohim apo dëgjojmë diçka”, pohoi Arbër Hajdari.