LIGJET E BIZNESIT
Policia e Shtetit ka arrestuar një të ri në Tiranë, që me makinë BMW bashkë me vëllain, qarkulluan duke shkelur kështu rregullat e urdhërit të shtetrrethimit.
Në njoftimin zyrtar bëhet me dije se shtetasi M. K., 33 vjeç, lindur në Tropojë dhe banues në Durrës, nuk iu bind urdhrit te policise per ndalim, madje shetoi shpejtesine dhe ne tentative per tu larguar goditi dy makina te policise, e me pas braktisi makinen dhe tentoi te largohej me vrap.
Pas ndjekjes dhe kontrollit, atij iu sekuestruan 12.400 franga zvicerane, një thikë dhe disa karta banke zvicerane, në emer të shtetasit M.K.
NJOFTIMI ZYRTAR I POLICISE
Në Tiranë u bë arrestimi në flagrancë i shtetasit M. K., 33 vjeç, lindur në Tropojë dhe banues në Durrës, si dhe u procedua në gjendje të lirë vëllai i tij shtetasi E. K.
Shërbimet e Policisë Rrugore të Tiranës i kanë dhëne shenjë për të ndaluar mjetit tip BMË me targa të huaja, në dalje të kryeqytetit, me drejtues shtetasin M. K, por ky i fundit nuk i është bindur dhe ka shtuar akoma më shumë shpejtësinë dhe manovrat e rrezikshme, duke u bërë rrezik serioz për veten dhe punonjësit e Policisë Rrugore, ku në tentativë për t’u larguar, ka goditur dy mjete të Policisë Rrugore të Tiranës, që po e ndiqnin pa ndërprerje, deri sa ka braktisur mjetin në një rrugë rurale në afërsi të Vorës dhe janë larguar në këmbë, por falë ndjekjes nga afër janë prangosur nga efektivët e rrugores, të dy personat dhe janë shoqëruar në Komisariatin e Policisë Vorë, për veprime të tjera hetimore e procedurale.
Gjatë kontrollit në mjet dhe në trup, Policia gjeti dhe sekuestroi 12400 franga zvicerane, një thikë dhe disa karta banke zvicerane, në emër të shtetasit M. K.
Arrestimi i shtetasit M. K., u bë për veprat penale “Kundërshtim i punonjësit të Policisë së Rendit Publik”, “Shkatërrim prone”, “Mosbindja ndaj urdhrit të punonjësit të Policisë së Rendit Publik” dhe “Pastrim i produkteve të veprës penale ose veprimtarisë kriminale”. Ndërsa vëllai i tij shtetasi E. K. është proceduar penalisht, për veprën penale “Mosbindja ndaj urdhrit të punonjësit të Policisë së Rendit Publik”.
