Qeveria ka njoftuar se do të mbajë një mbledhje të jashtëzakonshme, pasi dy raste tashmë u konfirmuan në Shqipëri.
Kështu, do të forcohet plani i masave që të mos lejohet përhapja e epidemisë.
Mbledhja pritet të nisë në orën 09.00, ku disa ministra do të raportojnë përpara kryeministrit për punën që është bërë deri tani, por do të hartohet dhe një plan se si do të veprohet për ditët në vijim.
Ministria e Shëndetësisë ka konfirmuar dy të prekurit e parë me koronavirus në Shqipëri.
Ata janë babë e bir, përkatësisht 54 dhe 28 vjeç, që kanë mbërritur nga Italia dhe aktualisht po trajtohen te infektivi në QSUT.
Gjendja e tyre paraqitet e stabilizuar, ndërkohë që mësohet se ata kanë mbërritur me rrugë tokësore, nga Hani i Hotit me makinën e tyre.
