LIGJET E BIZNESIT
Kryeministri Edi Rama mëngjesin e sotëm ka shpërndarë një video në ‘Facebook’, me një urim për 8 mars, Ditën Ndërkombëtare të Gruas.
Në këtë video pasqyrohet qeveria shqiptare ndër vite, e cila në fillimet e saj nuk nuk ka pasur asnjë grua pjesë të saj gjë e cila ka ndryshuar me kalimin e viteve.
Tashmë vendimarrja nga ana e tyre është më e madhe, dhe më e plotësuar në krahasim me burrat. Po t’i krahasojmë ndër vite shifrat e grave në vendimarrje, shohim se janë shtuar. Aktualisht numri i tyre në qeverisje ka arritur në 50% me burrat.
Dita Ndërkombëtare e Gruas gjatë viteve të fundit është bërë si një lloj feste shumë e njohur pothuajse në të gjithë botën e sidomos në Evropë.
Kjo festë fillimisht është shfaqur si një protestë politike e grave nga e gjithë bota për të kërkuar të drejtat e tyre, barazinë, demokracinë dhe paqen. Me kalimin e kohës, motivet politike filluan të zëvendësohen edhe me motive festive dhe 8 marsi tani u bë një festë zyrtare e gjinisë femërore.
