Operacioni Forca e Ligjit ka vijuar edhe sot, duke i dërguar formularin e pasurisë 3 personazheve të njohur të botës së krimit.
Mësohet se ata janë Eduart Nazari, Gentian Cako dhe Mond Bega.
Eduart Nazari, banues në Berat, arrestuar në vitin 2013, për veprën penale “Trafikimi i lëndëve narkotike” kryer në bashkëpunim.
Gentian Cako, banues në Berat, dënuar nga Gjykata e Rrethit Gjyqësor Korçë , i dënuar me 20 vjet burgim, për veprën penale “Vrasja në rrethana cilësuese, e kryer në bashkëpunim”.
Mond Bega, banues në Tiranë, dënuar në Itali me 11 vjet burg, për veprën penale “Pjesëmarrja në organizatë kriminale, me qëllim trafikim droge”.
Të tre personat e mësipërm duhet tu përgjigjen me shkrim, brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.
Por kush është Mond Bega?
Emri i tij është komentuar shumë në media, duke u cilësuar si biznesmeni që ka lidhje të forta me politikanët dhe me një nga kokat e krimit në 1997, kreun e Bandës së Lushnjes Aldo Bare.
Në vitin 2018 policia e Igumenices në bashkëpunim me sektorin e kontrollit të pasaportave të Sagiadas arrestuan biznesmenin shqiptar Edmond Bego, 49 vjeç. Ai po kthehej nga pushimet ne Korfuz dhe përmes Igumenicës do të kalonte për në Shqipëri.
Bego kishte ndërruar emrin në pasaportë në Mond Bega dhe me këtë emër kishte kaluar nga Shqipëria në Korfuz. Por rezultonte i kërkuar nga autoritetet italiane për pjesëmarrje në organizatë kriminale për trafik kokaine dhe heroine.
Mond Bega cilësohet ndryshe edhe si ‘peshk i madh’, pasi edhe gazetari Flamur Vezaj, Manoli Irfan Bega i njohur edhe me emra të tjerë si: Edmond Bego, Mondi Bega, Saimir Sina apo si Belul Gjahtari u kap në Greqi për llogari të dënimit të dhënë nga Italia për trafik të drogave të forta në kuadër të organizatës kriminale. Policia, pas arrestimit të Begos në vitin 2018, sqaroi atëkohë se Bego fillimisht ishte arrestuar në Itali në vitin 2009, ndërsa në vitin 2010 u dënua me 4.4 vite burg. Nga këto ai bëri vetëm 1 vit e 11 muaj burg, ndërsa pjesa tjetër iu konertua në liri me kusht.
