Masat për koronavirusin/ Aeroporti i Rinasit jep njoftimin e rëndësishëm

Një ditë pas ndërprerjes së fluturimeve me Britaninë e Madhe, dhe pasi Air Albania bëri me dije se do të ndërpresë fluturimet me Stambollin, mësohet se një kompani tjetër ka pezulluar fluturimet nga aeroporti shqiptar.

Njoftimi është dhënë në faqen e aeroportit Nënë Tereza dhe thuhet se duke u nisur nga data 19 mars, do të ndërpriten fluturimet me kompaninë Austrian Airlines.

NJOFTIMI

Nga data 19 Mars 2020, ndërpriten fluturimet me Austrian Airlines.

Në vijim të situatës së krijuar për shkak të përhapjes së koronavirusit (COVID-19), Austrian Airlines ka njoftuar se duke filluar nga data 19 Mars 2020 do të ndërpresë të gjitha fluturimet deri në një njoftim të dytë.

Për veprime të mëtejshme, ju lutemi pasagjerëve të kontaktojnë kompaninë ajrore apo agjencitë e udhëtimit.

Faleminderit për bashkëpunimin,

Tirana International Airport