Ditën e sotme u kap një sasi prej 892 mijë paketa cigare kontrabandë në doganën ne Hanit të Hotot në Shkodër.
Paketa të llojit “President Slims” ishin destinuar të hidheshin në tregun shqiptar por pa paguar detyrime doganore, duke i sjellë një dëm shtetit prej 140 mln lekë ose 1.1 mln euro.
Ndërkaq, në një konferencë për mediat drejtori i Përgjithshëm i Doganave nga Ministria e Financave, Gjon Bardhi, bëri me dije se e gjithë ngarkesa ishte e pa pajisur me pullë fiskale apo të një shteti tjetër, e për pasojë e gjithë sasi është sekuestruar, por nuk ka informacione për persona të vënë në hetim apo të arrestuar.
“Strukturat e administratë kanë sekuestruar 892 mijë paketa cigare në pikën kufitare të Hanit të Hotit në Shkodër. Strukturat e doganave kontrolluan në kamion, ku ishte kjo sasi e llojit President Slims. E gjithë ngarkesa ishte e papajisur me pullë fiskale apo të një shteti tjetër. Nëse do hidhej në treg, vlera e detyrimeve doganore kap vlerën që duhet të paguhej, 140 mln lekë ose 1.1 mln euro. U referua rasti në Prokurorinë e Shkodrës. Në bashkëpunim me prokurorinë në Shkodër, por kryhen veprime hetimore. Ky nuk është rasti i parë, sidomos për mallrat që paguajnë akcizë”, tha Drejtori i Përgjithshëm i Doganave, Gjon Bardhi.
