LIGJET E BIZNESIT
Kreu i opozitës, Lulzim Basha i ka bërë thirrje në distancë kryeministrit Edi Rama që të zbatojë planin social-ekonomik të PD për të përballuar situatën e krijuar nga koronavirusi. Qëndrimi i Bashës dhënë për Euronews vjen dy ditë përpara se qeveria të bëjë publik planin e garancisë për kompensimin e qytetarëve që kanë lënë punën dhe janë mbyllur në shtëpi.
Pyetje: Zoti Basha, vetë si po e përballoni këtë situatë me COVID-19? Druheni për te afërmit, për familjarët? Keni frikë?
Lulzim Basha: Personalisht nuk kam frikë. Kam shqetësim, si çdokush tjetër, për anëtarët e familjes, që janë në moshë apo për dikë që nuk është në shëndet të plotë, natyrisht për miqtë dhe lër gjithe shqiptarët, te cilët, per shkak te moshes apo shëndetit rrezikojnë më shumë. Prandaj,us gjithë qytetarët e tjerë të shëndetshëm, si unë, të bëjmë gjithçka për t’i mbrojtur të afërmit tanë që, janë më të ekspozuar ndaj rrezikut. E gjitha kjo po bëhet për të mbojtur jetë njerëzish, për të shpëtuar jetë njerëzish. Çdo mërzi të momentit, çdo vështirësi të momentit duhet ta shikojmë përmes dritares që shpëton jetë njerëzish. Nuk mjafton vetëm kaq, që vetëm shqiptarët të bëjnë sakrifica. Duhet që per çdo sakrificë që u kërkohet shqiptarëve, të ketë edhe masa mbështetëse brenda mundësive të Shqipërisë. Prandaj, edhe një herë, bëj thirrje që plani ynë social- ekonomik të vihet në veprim. Garantoj se me vënien në veprim të këtij plani as do të rrahim gjoksin, as nuk do të thërrasim fitore. Madje do ta përshendesim qeverinë dhe do ta urojmë, nëse vendos të veprojë, por duhet të velrojë një orë e më parë. Nuk është koha për të llogarotir se çfarë bën kundërshtari politik. Nuk ka kundërshtar politik në luftën për jetën dhe shendetin e qytetarëve. E lus zotin Rama të jetë sa më pak nervoz. Në këtë plan, nuk kam asgjë që drejtohet kundër tij. Vërejtjet tona për mosveprimin në kohë qendrojnë, por jo si sulme politike apo për të bërë lajm, por si shqetësim real për fatin e mijëra qytetarëve.
