LIGJET E BIZNESIT
Kryeministri Edi Rama përgjatë një deklarate për mediat foli për masat që janë ndërmarrë nga qeveria për të ndaluar përhapjen e koronavirusit në vend.
Rama iu përgjigj publikisht disa pyetjeve që kanë ngritur qytetarët mbi COVID-19.Një nga pyetjet ishte nëse do të mbyllen ushqimoret, furrat e bukës dhe farmacitë.
Rama u përgjigj se ushqimoret, furrat e bukës, farmacitë do të jenë të hapura, do të jetë gjithmonë e nevojshme që të lëvizet.
“Ushqimoret, furrat e bukës, farmacitë do të jenë të hapura, ndërsa dyqanet e lodrave, rrobave, parfumeve do të mbyllen në mënyrë që të mbrohen të gjithë”, tha Rama.
A do të pezullohet ecja në këmbë?
Kreu i Qeverisë u përgjigj se nuk do të pezullohet, por sipas tij nuk është e këshillueshme që të lëvizet në grup dhe që gjithashtu uron që të mos ta detyrojmë të dalin dhe të merren me njerëzit që kanë dalë në Elbasan për të festuar “Ditën e Verës”.
“Nuk do të pezullohet ecja në këmbë, por nuk është e këshillueshme, nuk është e këshillueshme as ecja në grup. Njerëzit mund të dalin, të ecin, të marrin ajër të pastër, po jo me të afërm e njerëz përreth. Uroj të mos na detyroni të dalim dhe të merremi me njerëzit që kanë dalë në Elbasan për të festuar “Ditën e Verës”. Përsa u përket autobusëve të punëtorëve ku bëhet fjalë për kompanitë prodhuese. Uroj të merrni masa disinfektuese. Makinat që transportojnë ushqimore do të lëvizin lirisht, të gjitha llojet e mjeteve që kemi folur më herët, mjafton që drejtuesi i automjetit të kenë pranë timonit, se nuk jam as shofer, të ketë ketë letër ku është lista e dërguar tek adresa [email protected] tek Policia e Shteti me të dhënat përkatëse“, tha Rama.
