Mbyllja e fasonerive dhe Call Center/ Rama paralajmëron: Ta harrojnë të kërkojnë lekë nga shteti…

Në një lidhje direkte në rrjetin social ‘Facebook’, Kryeministri ka theksuar se kur të rifillojnë sërish aktivitetin, do të nisë inspektimi i standarteve.

Në të kundërt sipas kryeministrit, Rama do të urdhërojë mbylljen përfundimtare. Më tej ai shton gjithashtu se duhet ta harrojnë që mund të kërkojnë nga shteti para për shkak të mbylljes.

‘Nesër edhe fasoneritë  edhe call center do ta kenë të ndaluar të qarkulojnë punonjësit e tyre. Njëkohësisht nga fillimi i javës së ardhshme do të filloj inspektimi i standarteve të sigurisë. Nëse nuk i plotësojnë do të bien mbi shpaltullat e pronarëve. Duhet ta harrojnë që mund të kërkojnë nga shteti para për shkak të mbylljes se nuk është mbyllje që vjen si rezultat i kërkesës së shtetit në kohë të zakonshme, por që mund të vijë si rezultat i moszbatimit të rregullave të këtij  momenti dhe mos vënies në jetë të këshillave. Është pa përgjegjshmëri që nuk mund të shpërblehet, por duhet të ndeshkohet’, tha kryeministri Rama.