LIGJET E BIZNESIT
Ditën e sotme banorët e Astirit kanë nisur sërish protestat.
Ky vendim u mor pas sinjalizimeve të shumta që ju erdhën atyre se mund të kishte aksion nga IKMT për të shëmbur banesat.
Pranë banorëve është gjendur dhe ish-deputeti i Partisë Demokratike Klevis Balliu, i cili ka hedhur akuza në drejtim të qeverisë.
Ndër të tjera Balliu bërë një premtim të madh se kur të vijë PD në pushtet, përgjegjësit e kësaj situate do të vihen përpara drejtësisë.
‘PD ka një kontratë më banorët e Astirit dhe do t’i qëndrojë asaj deri në fund. Ky pushtet arriti derisa përdori plumbat e gomës kundër grave dhe fëmijëve. Keni mbështetjen e PD-së pa limit. PD në qeveri do ta ndjekë këtë çështje. Koha ku në Shqipëri nuk mbahet përgjegjësi ka mbaruar. Të gjithë do të vihen para drejtësitë. Këtu bëhet fjalë për jetën e qytetarëve. Nuk bëhet fjalë vetëm për pak beton dhe zhavorr, por për miliona euro. Ne do t’i vëmë para përgjegjësisë kur të jemi në pushtet’, u shpreh Balliu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër banorët këmbëngulin se do të vazhdojnë të jenë kundër shembjes së banesave të tyre në kuadër të ndërtimit të mbikalimit të “Unaza e Re”.
