Aksident/ Përplaset furgoni i burgjeve me të dënuar nga Tirana, plagoset një polic

Një aksident automoblistik ka ndodhur paraditen e sotme në aksin Tepelenë-Mallakastër-

Ngjarja ka ndodhur në afërsi të fshatit Qesarat, ku furgoni i Drejtorisë së Burgjeve Tiranë është përplasur me një automjet.

Sipas informacioneve brenda në furgon ndodheshin tre të burgosur dhe policët që i shoqëronin.

Si pasojë e aksidentit është plagosur një polic i cili ndodhet në spitalin e Gjirokastrës.

Ai është jashtë rrezikut për jetën dhe ka disa dëmtime të lehta.

Policia ka mbërritur në vendngjarje dhe po heton për zbardhjen e rrethanave dhe shkaqeve të aksidentit.