Pse e anuloi Albin Kurti takimin me Erion Veliajn? Lëvizja ‘Vetëvendosje’ sqaron të vërtetën

Lajmi që bëri më shumë bujë mesditën e sotme ishte fakti që kryeministri i ri i Kosovës Albin Kurti anuloi takimin me kryetarin e Bashkisë së Tiranës Erion Veliajn.

Në këtë takim ishte planifikuar që Albin Kurti të nderohej edhe me “Çelësin e Tiranës”, në vizitën e tij të parë si kryeministër në Shqipëri.

Ky anulim është konfirmuar edhe nga kabineti i Veliajt.

Sipas tyre takimi është anuluar me dakordimin e të dy palëve për shkak të obligimeve.

Edhe nga Lëvizja Vetëvendosje i kanë thënë Gazetës Express se takimi u anulua për shkak të agjendës së ngarkuar që kryeministri Kurti e ka në Kosovë.

Kujtojmë se takimi ishte planifikuar të ndodhte në orën 12:30.