Prekëse/ Motrat me aftësi të veçanta surprizohen nga shokët e klasës, marrin një dhuratë të veçantë

Redaksisë së programit i kishte shkruar Blerina, shoqja e ngushtë e motrave por në studio kishin ardhur edhe shokët e klasës bashkë me mësuesit e shkollës “Vath Koreshi” në qytetin e Lushnjës. Ata kishin menduar që të surprizonin të gjithë së bashku Desjanën dhe Xhuljanën dhe për t’i treguar atyre se nuk janë vetëm.

“Unë jam shoqja juaj që prej 12 vitesh dhe dua t’ju falenderoj sepse më keni mësuar shumë gjëra, jo vetëm mua por të gjithëve ne. Jam shoqja juaj e ngushtë dhe do të vazhdoj të jem, prandaj mos kini turp nga fjalët që thonë të tjerët por duhet të vazhdoni jetën!”

Gjatë bisedës motrat rrëfyen gjithë vuajtjet, vështirësitë, madje shpesh herë edhe paragjykimet më të cilat i janë dashur të përballen. Programi “Dua të të bëj të lumtur” në bashkëpunim me Fondacionin “Golden Eagle” i dhuruan një makinë të re familjes në mënyrë që t’i lehtësojë vajzave lëvizjen në qytet.